時間過得好快。唔經唔覺又過左一個禮拜都未同大家講解有咩方法去慳錢。多謝大家上個禮拜既支持。
我個人認為如果想慳錢, 首先要從調整心態開始, 坐低冷靜咁問下自己, 點解想慳錢？
舉個例子：係因為見到自己條卡數積得越黎越多, 但又唔想大cut自己洗錢習慣。
又或者係想慳啲錢，然後儲錢結婚or 買樓 or 買手袋 or 買車等等…
究竟係乜野原動力，令到你想慳錢？
舉個例子：係因為見到啲朋友又買車又買樓, 自己就一啲儲蓄都無.
又或者係因為女朋友一直催住要結婚, 但自己就係月光族。每個月都係岩岩好洗哂成份量。
不論你想慳錢既原因 / 原動力係乜都好, 有一個好既理由想去慳錢, 都係必需要既。
因為哩個將會係你每個月都想慳家既最大推動力！
最好係大大隻字寫低，然後貼響屋企個門口果度，日日提醒自己。
咁講下我自己點樣開始啦.
有一個毒L 既晚上，我坐響我個電腦面前禁緊facebook. 無啦啦比我睇到有人講用低過$30買一部iPad.
大家知道我係Apple Fan, 當初都唔相信有人用$30買1部全新既iPad. 就係咁挑起左我條癮。
一睇就睇左好幾個鐘，亦都試左幾粒鐘。我咁L笨7梗係買唔到啦。我果真陣時仲係新仔, 乜都唔識, 亦都唔知道做緊乜.
一心淨係知道想用$30 買一部全新既iPad.
咁我果晚就梗係一啲都唔葡萄，因為我一啲都唔相信.
時間又過得好快，過左兩日。然後個個都post出黎話買到$30 iPad。果一刻我真心葡萄！
就係咁, 我就一直響到學習, 夠竟哩個遊戲係點樣玩. 上面果個經歷, 往後我會再詳解夠竟係做緊乜.
而哩個好奇心/葡萄就係我既原動力。
有時間或者搭緊車既時候, 用幾分鐘, 諗一諗，係乜野原因, 你想慳錢.
有啲人問我點解哩啲技術文要用港式中文寫出黎？
係因為哩啲野，我淨係想分享比你地識得睇既朋友.
如果有時間先寫返個英文版出黎啦.