家中空調隔塵網選購

[無料資訊放送] 今年都唔知做乜鬼嘢, 又疫情又山火. 搞到個個都唔可以正常出街玩. 局住要留響屋企玩手指 由於我哋要狸埋響屋企好長時間, 揀番個好嘅 Air Filter就變得好重要.  有見及此, 我今朝早就做咗少少research. 睇咗 Consumer Report..佢地評 Air Filter 係會睇個隔塵網嘅阻隔塵粒, 煙嘅能力, 加埋空氣流動能力. 有啲牌子阻隔能力好好, 但就一啲空氣都過唔到.咁就會搞到間屋好局好炆. 又有啲牌子嘅隔塵網好似響街市載蒜頭果啲袋咁透, 乜都阻隔唔到. 淨係得個樣. 以下哩款, 係 Consumer Report 推薦, 又高分, 但又唔會 Break our wallet 嘅隔塵網. Filtrete 1900 Maximum Allergen Reduction 哩款阻隔塵粒同煙係拎 5 分, 空氣流動能力係 4 分 (5分為滿分)。總分係 65分 大家可以響 Lowe’s到買得到.  1 粒賣緊  $20+tax. 買4個同款同尺寸嘅, 就再會有 additional 20% discount. 都幾划算. 有 Free in-store pick up 或 Free shipping.   傳送門: 按我 溫馨提示: 記得睇下自己屋企個 Filter 尺寸先買呀. 如果大家平日有買開 Lowe’s discount gift card, 就仲可以慳得更多 響 Consumer Report 再高分嘅, 就會係賣成 $40 – $80 一粒。唔推薦. 因為真係好 Q貴. (除非你好有錢.) 最後, 我有compare過 Costco 賣果個 3M Filtrete Healthy Living 2200. (賣緊$60 on Costco.com) Consumer Report 評價無 Filtrete 1900 好。得分 59.  所以大家可以試下去Lowe’s 到買嚟用下. 記得要揀 MERV 13 等級或以上先可以阻隔到山火啲煙味嫁