Posted on July 18, 2018
今日黎到第 3 課 首先當然要重溫一下第 2 課講左乜，如果你錯過左尋日既blog post, 可以去返哩到睇返。 咁話說尋日就分享左我自己的部 iPhone 入面有乜野 app. 同埋推薦左大家申請垃圾郵箱既時候係選用 gmail。仲有推介左密碼app: 1password 咁今日講乜好？ 當然就係點樣用coupon. 電子類既折扣卷，大多數既操作方式係將折扣卷加入你既會員帳號入面。 例如: Ralphs. 我個人每星期都會去Ralps 至少一次。唔係因為貪Ralphs係外國人既超級市場，而係 Ralphs 每個星期五都會有免費野送出黎。 每逄星期五，你都可以去下面哩個網址，然後登入你自己既 Ralphs 帳號，就可以將個免費 Coupon load 入去你個 Ralphs 帳戶入面。 https://kroger.softcoin.com/programs/kroger/freefri/?banner=Ralphs&origin=freefri 然後，你就可以去到 Ralphs，搜尋當週的免費產品。有啲 Ralphs 係將免費既產品事先放響 Check out 既地方附件，客人比較容易搵到。例如 Monterey Park Atlantic 上面既 Ralphs，就會係拎哂出黎。 不過由於蟥蟲太多，所以好多野都比人掃哂。所以建議免費野就早拿早享受。 不過，亦都有啲 Ralphs 係將啲免費產品收收埋埋，仲要收得好好。唔問職員既話，係根本搵唔到出黎。 當你搵到個免費野之後，就可以大條道理咁去 check out. 埋單既時候，記得輸入申請帳號時既電話號碼，咁就會自動搵到你張 coupon 啦。 2017 – 2018年之間，印象較深印既係送左BBQ醬同埋一整條麵包。所以你地都快啲申請個 Ralphs 帳號，然後星期五開始同我一齊去拎免費野啦。 提示： 就算你淨係拎一個免費野去埋單都OK。最後都會係 $0.00. 從以上例子見，Digital Coupon 係幾咁容易入手，使用亦都非常方便。load 入個account 到就可以用。 黎緊就快星期五，大家可以今個禮拜五去試下拎免費野。 玩coupon既野，要多試先會領略到。係熟能生巧既技術黎既。亦都好快上手同埋沉迷既嗜好。 星期五匯報一下你地既經驗啦。開心齊分享麻。其待你地既 Actions! 第 3 課完
Recent Comments